ТУРОНЗАМИН

ЎН САВОЛГА ЎН ЖАВОБ!

САВОЛ: Агар 2007 йилнинг 23 декабр куни Каримов сайланмай қолса, нима бўлади?(Насим).

ЖАВОБ: У ўз жойида қолади.

XXX

САВОЛ: Каримов ўлган кун нима бўлади?(Шуҳрат).

ЖАВОБ: Мотам байрами!

XXX

САВОЛ: Агар янги сайланган номзодлардaн биттаси сайланиб қолса, нима бўлади?(Рустам).

ЖАВОБ: “Жаслиқ”да маҳбуслар сони яна биттага кўпаяди.

XXX

САВОЛ: Сиз янги кўрсатилган номзодлардан қайси бирига овоз берган бўлардингиз?(Наврўз).

ЖАВОБ: Қайси бири Каримовнинг юзига қараб, “Бу мамлакат онангизни маҳрига тушган эмас, кетинг-да энди!” деб айта олса, ўшанга!

XXX

САВОЛ: Нега бизнинг одамлар фақат мансабни яхши кўрадилар?(Умида).

ЖАВОБ: Бир юракка икки муҳаббат сиғмайди.

XXX

САВОЛ: Савол берсам, кимлигимни билиб қолишлари мумкинми?(Исмсиз).

ЖАВОБ: Улар учун савол эмас, жавоб муҳим!

XXX

САВОЛ: Каримовни ҳам Рашидовга ўхшаб гўридан чиқаришлари мумкинми?(Зоҳиджон).

ЖАВОБ: Йўқ, унинг ўлигидан ҳам қўрқадилар!

ХХХ

САВОЛ: Орага халқаро жамоатчилик тушса, Каримов режими ярашга рози бўладими?(Исмоил).

ЖАВОБ: Америка билан ҳа, мухолифат билан йўқ!

ХХХ

САВОЛ: Путин, Шанхай Ҳaмкорлиги ташкилоти мухолифатга нажот манбаи бўлиши мумкинми?(Равшан).

ЖАВОБ: Агар мухолифат ҳокимиятга келса ва намойишга чиққан демократларни ўққа тутса, уни дунё жамоатчилиги ғазабидан ҳимоя қилишга Путин ва ШОС келиши табиий!

ХХХ

САВОЛ: Бир жойда “Мулланинг айтганини ҳам қилма, қилганини ҳам қилма” деб ёзибсиз. Бу билан гуноҳ қилганингизни биласизми?(Азиз).

ЖАВОБ: Бугун Ўзбекистонда минглаб муллалар золимни мақтамоқдалар, дуо қилмоқдалар ва бошқалардан ҳам буни талаб этмоқдалар. Шундай пайтда кимдир “гуноҳ” ҳам қилиши керак!