ТУРОНЗАМИН

“Туронзамин” -хайрихоҳлар минбари

“Ассалому алайкум “Туронзамин” жамоаси фаоллари.
Мен сизларнинг интернетдаги веб саҳифаларингизга тез-тез ташриф буюриб янигиликлардан бохабар бўлиб турувчи, ҳозирда Бишкек шаҳрида истиқомат қилаётган қочқин О. А. бўламан.
Менинг ўз юртимдан чиқиб кетганимга бир неча ойдан ошмоқда ва мен қийинчиликлар гирдобида қолган ҳолда оилам билан ҳаёт кечирмоқдаман.
Мен чайналмасдан гапнинг борини лўндагина қилиб гапиришни жуда ҳам яхши кўраман ва “Туронзамин” жамоаси фаолларига таклиф билан мурожат қилмоқчиман.
Журналистик қобилият кучли ва теран мазмунли мақолалар ёзиб турувчи ватандошингиз “Туронзамин” саҳифасининг нуфузи ошишига кўмаклашувчи мақолаларини сизга жўнатиб туриши мумкин.
Фақатгина ўз мақолаларимни мазмунига ва қанчалик муҳимлигига қараб иқтисодий ёрдам бериб борилса мен жуда хурсанд бўлардим.
Менинг мақолаларимда буугунги кунинг энг долзар мавзулари ёритилган бўлади ва “Туронзамин” веб-саҳифасини мухолифат сайтлари орасидаги энг нуфузли сайтлардан бирига айланишига кўмаклашади.
Менинг бу таклифим “Туронзамин” жамоасига қанчалик мақул ёки номақул
Жавобингизни кутиб қолувчи О. А.

ЖАВОБ׃

“Туронзамин” -хайрихоҳлар минбари׃
Саломларимиз!
Мактубингиз учун раҳмат.
Аввал бир иккита мақолангизни юборинг ва биз чоп этайлик.
Чунки биз ҳеч қаердан грант олмасдан ўз ҳисобимизга ишлаб келмоқдамиз.
Шароитимиз қийин бўлишига қарамасдан шу ишни юргизмоқдамиз.
Биздан иқтисодий келишув эвазига ёзишни сўраганлар жуда кўп ва биз ватанпарвар, хайрихоҳликни рағбатлантириб келмоқдамиз. Ўз сўзини айтишни истаганларга минбар бермоқдамиз.
Ватан учун бу жуда ҳам муҳим.
Биз билан хайрихоҳ асосда ҳамкорлик қилганлар қийин шароитларга тушганда эса уларга ўз чўнтагимиздан баҳолу қудрат ёрдам қилаяпмиз.
Умид қиламизки, бу хат сизга қаттиқ ботмайди. Чунки биз сайтни бизнес учун эмас, хизмат учун очганмиз. Бу сизнинг ҳам минбарингиз.

Зотан ҳар куни янгиланиб борилиши, ҳар томондан кўчирмачилик қилишдан йироқ туриши, кўтарилган масалалар муҳимлиги ва бошқа жиҳатлари учун “Туронзамин” бугун энг кўп ўқиладиган сайтдир!

Ҳурмат билан таҳририят номидан Бобур Холиқназаров.