ТУРОНЗАМИН

Улугбек Хайдаров, мустакил журналист.

14 феврал кунги Останкино телеканалининг «Время» янгиликлар дастури Екатеринбурда уз фарзандини сотишга уринган бир узбек аёли хакида лавхани намоиш килди.

Репортер Алексей Иванов томонидан тайёрланган бу лавхада 44- ёшли Хадича исмли аёлнинг Узбекистондан келиб Екатеринбургда ижарага уй олиб яшагани хакида айтилади.

«Узининг уч ойлик фарзандини Хадича кушниларига сотиб олишни таклиф килди» дейилади лавхада.

Бир хафта мобайнида оператив ходимлар, бола сотаётган аёл билан, харидор киёфасида гаплашиб юришган. Келишилгач, Хадича уз кизини 20 минг рублга сотишга рози булган. У хаттоки «харидорлар»га, уз кизидан воз кечганлиги хакида тилхат хам ёзиб берган.

Пулни олгач, тушакчага уралган 3 ойлик Ферузани «харидорлар» кулига тутказган Хадичани ва унинг опасини уша захоти кулга олишган.

Лавхада курсатилишича, кулга тушган аёллар сурок пайтида болани сотмокчи эканликларини рад килишган. Улар, кимгадир каттагина пул карз булиб колганликларини рус тилида кийналиб тушунтиришган.

Терговчилар Хадичанинг яна икки фарзанди борлигини – бири отаси билан Узбекистонда, иккинчиси эса боскинчилик жинояти туфайли камалиб, хозир жазо утаётганини аниклашган.

Уз боласини сотмокчи булган узбек аёли хакидаги лавха интернет сахифаларида хам ёритилди. Сайтларда бу ходисага уз муносабатини ёзганларнинг деярли хаммаси узбек халкининг хаётини шу даражага етказган Ислом Каримовга лаънат айтишган.

Путин ва унинг «Единая Россия»си, хамда, Медведевнинг имиджини фукарорлар онгига жойлаштириш билан банд булган, Россиядаги мавжуд тузумнинг энг ишончли югурдагига айланиб улгирган Останкино телеканали, тугриси узининг оддий узбек аёлининг фожеавий карори хакидаги лавхаси билан купчиликнинг кунглига «Путин ва Каримовнинг муносабати совуклашаяптими?» деган уйни солди.

Нега? Чунки Россиянинг Останкино телеканали Узбекистон хакида неча йиллардан буён (аникроги, Путин келганидан буён), бирор марта булсада танкидий курсатув, лавха ёки хабар бермаган. Хаттоки, Андижондаги конли вокеларни хам бу телеканал диктатор Каримовнинг колипига мос равишда ёритган эди.

Якиндагина Москвада учрашиб, бир-биринг кунглига кул солиб курган икки диктатор, омма олдида узокни кузловчи, бир-биридан мафтункор ва хакчил келишувларни имзолашган булсада, ёпик эшик ортида улар нима хакда гаплашганлари купчилик учун сирлигича колди. Эхтимол, шу йилнинг бахорида тахтдан кетиши аник булган Путинга, Каримов узининг кунглидан утаётган хамма кириндиларни тукиб солгандир? «Учинчи муддатга колсангиз хам буларди» деган жумла уз-узидан айтилмагандир ахир…

Бир нарса аник: Путин кетгач Каримов, узини коп-коронгу хонада, кузлари боглик холда колиб кетгандек сезади. «Рус характери»ни хисобга оладиган булсак, март ойидаги сайловлар, эхтимол, Медведев ва Путин курмаган томонга хам айланиб кетиши мумкин. Путиннинг башорати ва уриниши билан тахтга келадиган Медведевнинг, Урта Осиёлик «подшох»лар билан кайси позицияда туриб мулокот килишининг мавхумлиги Каримовни вахимага солаётганга ухшайди.

Шу вахима асносида, гарб вакиллари билан учрашиб, камокхоналардан мухолифатчиларни чикара бошлаган Каримовга, Путинга карашли Останкино телеканали, унинг аслида ким эканлигини куп миллионли аудитория олдида эслатиб куйишга карор килганга ухшайди.