ТУРОНЗАМИН

Файзулло, “Туронзамин” учун
Ўзбекистон миллий телевединияси Шоир Юсуф Жумаев ҳақида филм тайёрлаганидан кейин биз бу ҳақда ёзган эдик, энди эса биз филмда иштирок этиб, Юсуф Жумаевга туҳмат қилганлар кимлар эканлигини аниқлашга ҳаракат қилиб, уларнинг ким эканлигини билишга муваффақ бўлдик.

Ўзбекистон Миллий телевединияси 2008 йил 21 январь куни Шоир Юсуф Жумаев хакида хужжатли филм деб аталган майнавозчиликлардан иборат бўлган томошани намойиш қилди. Бу Юсуф Жумаевга Карши уюштирилган фитна бўлиб, бу филмда сўзга чикканлар МХХ томонидан ёлланган хукуматга керак булган пайтда гувохлик берадиган анкуртлардир.

Филмда гапиртирилган Мўмина Сувонова Юсуф Жумаевни ундан Солик инспекциясида бошлик бўлиб турган пайтида пул сураганликда айблади. Қаранг-а оддий деҳқон солиқ идораси раҳбаридан пул талаб қилганмиш?!!

Бу гап ортида бошқа воқеа бор экан. Мўмина Сувонова Анвар Адизов деган йигитдан кимдандир хомиладор булган жиянига уйланишни талаб қилади. Анвар эса бола мендан бўлмаса нега уйланишим керак деб айтади, шундан кейин Анварнинг ўлиги топилади.

Яккаю ёлғиз ўғлининг ўлимидан кейин икки ой ўтмасдан фарзанд доғига чидолмай Анварнинг онаси хам оламдан ўтади.

Юсуф Жумаев Адизов Анварни ўлдиргани юзасидан Мўмина Сувоновани жазога тортишни СССР вактидан буён талаб килиб келган.

Демак, Сувонова Солиқ инспекциясига бошлиқ бўлиб келмасидан олдин Юсуф Жумаев билан ораларида зиддият бор эди. Унинг телевединияда айтган сўзлари эса уюштирилган бўҳтондан иборат бўлиб қолмоқда. Бунга биринчи сабаб унинг шахсий адовати бўлса, иккинчиси эса унинг лаёқатсиз ўғли Ўктам Ҳайдаровнинг Шофиркон туманида Ички Ишлар бўлими бошлиғи бўлиб ишлаётганидир.

Эндиги сўз шоир Юсуф Жумаев ва унинг ўғли Бобурга қарши ҳозирги кунда очилган жиноят ишига гувохлик бераётган, «ҳужжатли филм»да гапиртирилган айтган Омон Эшев ҳақида.

Омон Эшев илгари 1999 йилда ваҳобийликда айбланиб ҳибсга олинган диндордир. У ўзининг воҳобий эмаслигини, қудуққа сийиб, чўчқа гўшти еб исботлагани ҳақида гаплар юради.

Омон Эшев шундан кейин ҳукуматга сидқидилдан ишлаб, Юсуф Жумаевга ва ИИБ гувох тополмай қолган пайтларида, гувоҳ бўлмасада бошқаларга ҳам гувоҳман деб туриб беради.

Омон Эшев 2007 йил 6 ноябрь куни МХХ томонидан Юсуф Жумаевнинг турмуш ўртоғи Гулнора Олтиевага очилган жиноят ишида ҳам гувоҳлик берган эди. Омон Эшевнинг гувоҳликларини кузатган киши Омон Эшевни Юсуф Жумаев оиласига ИИБ ва МХХ томондан ёлланган шахсий гувоҳлигига амин бўлади.

Энди «Ҳужжатли филм»да Юсуф Жумаевни шаънига ҳақорат сўзларини айтган Қаландар Жумаевга тўхталамиз.

Қаландар Жумаев деган одам умуман йўқ, у Юсуф Жумаевнинг отаси Олоҳқули Жумаев боқиб катта қилган Тўра Жумаевдир. Оллоҳқули Жумаев ўз меҳнати ҳисобидан Тўра Жумаевнинг отаси қамалганда 10 оға-инилари билан боқиб ката қилган экан. Тўра Жумаев эса шу одамга ҳам туҳмат қилди.

Тўра Жумаев бировни зўрлаганликда айбланиб, 3 йилга қамалиб чиққанидан кейин ИИБ ва МХХ томонидан ёллаб олинган югурдакдир. Ундан Юсуф Жумаевга қарши 1994 йилдан буён уч марта судланганда ҳам ёлланган гувоҳ сифатида фойдаланилган. Ҳозирги кунда ҳам Юсуф Жумаевнинг барча оила аъзоларига очилаётган жиноят ишларида ҳам у гувоҳлик бериб келмоқда.

Юсуф Жумаевни халқ яхши кўради ва ҳурмат қилади. Хеч ким Юсуф Жумаевга қарши гувоҳлик бермайди. Юсуф Жумаевнинг пиёзига ҳам қўл теккизмайман дегани қўшни Боканда қишлоғида яшовчи Мамат исмли йигит калтакланиб ўлдирилгунча ҳам ўз сўзидан қайтмаган.

Телевединиядаги «ҳужжатли филм»ни кўрган киши унинг нақадар хомлигини билиши тайин, Юсуф Жумаевга қарши очилган жиноят иши ҳам тутруқсиз ва ишонарсиздир.

Юсуф Жумаевга қарши тайёрланган филмни кўрган кишилар, мухбирчаларнинг Юсуф Жумаев шеърлари ёзилган қоғозларни кўрсатиб «Анти конституцион шеърлар» деб аташларининг ўзиёқ халқ орасида Юсуф Жумаевнинг қандай шоир эканлиги туғрисида тасаввур уйғотади. Халқ дарди айтилаган шеърларгина Ўзбекистонда “Антиконституцион шеърлар” деб айтилади. Буни бутун ўзбек халқи яхши билади.